ඔස්ට්‍රේලියාව හෙල්ලූ ශ්‍රී ලාංකිකයෝ

 

ඇෂ්ටන් ගැන ශ්‍රී ලාංකිකයන් වශයෙන් අපිට ආඩම්බර විය හැකි ප්‍රධානතම කරුණක් තියෙනවා. දෙමාපියෝ දෙදනාම ශ්‍රී ලාංකිකයන් වෙලා, තමනුත් ශ්‍රී ලාංකිකයෙක් වෙලා ඔස්ට්‍රේලියාවට ඇවිත් මාස තුනකින් වගේ තමන්ගේ මව්බස වගේම මව්බිමත් අමතක කරන මිනිස්සු ඉන්න ලෝකෙක ඕස්ට්‍රේලියාවේ ඉපදිලා මව පමණක් ශ්‍රී ලාංකිකයෙකු වී සිටියදී තමන් ශ්‍රී ලාංකිකයෙකු වීම ගැන ආඩම්බරයි යැයි ජාත්‍යන්තර මාධ්‍ය ඉදිරියේ ප්‍රකාශ කරපු කොල්ලෙක් තමයි ආගර් කියන්නේ. ඒ වගේම ඕස්ට්‍රේලියාවේ සිටින ශ්‍රී ලාංකිකයන්ට වඩා දෙගුණයක් පමණ ඉන්දියානුවන් ඕස්ට්‍රේලියාවේ සිටියත් තවමත් කිසිම ඉන්දීය පිරිමි ක්‍රීඩකයෙක් ඕස්ට්‍රේලියානු ජාතික කණ්ඩායමට ක්‍රීඩා කරලා නෑ. එහෙත් ශ්‍රී ලංකික සම්භවයක් තිබෙන අගාර් ජාතික කණ්ඩායමට ක්‍රීඩා කළා.





ඔස්ට්‍රේලියාව තුල ප්‍රසිද්ද වුනු එකම ශ්‍රී ලංකික සම්භවයක් තියෙන පුද්ගලයා අගාර් නොවේ. ඕස්ට්‍රේලියානු ක්‍රිකට් කණ්ඩායමේ එදා මෙදා තුර බිහි වූ හොදම "Finisher" කව්ද කියලා ඇහුවොත් ක්‍රිකට් ගැන දැනුමක් තියෙන බොහෝ දෙනා මයිකල් බෙවන්ගේ හෝ මයිකල් හසී ගේ නම පවසාවි. 2003 ලෝක කුසලානය ඔස්ට්‍රේලියාවට දිනා දෙන්න මහත් මෙහෙයක් ඉටු කරපු පරදින්න ගිය මැච් ගොඩක් ගොඩ දාපු මයිකල් බෙවන් නම් ඒ සුපිරි වමත් පිතිකරුට ශ්‍රී ලාංකික සම්භවයක් තිබෙනවා කියලා දන්නේ කීයෙන් කී දෙනාද?
ඔහුට ශ්‍රී ලාංකික බර්ගර් සම්භවයක් තිබෙන ක්‍රීඩකයෙක්. ඒ වගේම මතකද 96 ලෝක කුසලානය දිනන වෙලාවේ නිහඩ සේවයක් කරපු අපේ පුහුණුකරුවා? කවදාවත් ලාංකිකයන්ට අමතක කරන්න බැරි අපේ ක්‍රිකට් ක්‍රීඩාව වෙනුවෙන් අමිල මෙහෙවරක් කරපු ඩේව් වට්මෝර් උපත ලැබුවේත් ශ්‍රී ලංකාවේදී. ඒ වගේම ඔහු ප්‍රාථමික අධ්‍යාපනය ලැබුවේත් ශ්‍රී ලංකාවේදී.


ක්‍රීඩකයන්ට අමතරව තවත් බොහෝ ශ්‍රී ලාංකික සම්භවයන් තිබෙන ඔස්ට්‍රේලියාව තුල පමණක් නොව මුළු ලෝකෙම ප්‍රසිද්ද වුනු පුද්ගලයෝ බොහොමයක් සිටිනවා. ඕස්ට්‍රේලියාවේ ජනප්‍රියම ගායකයා කව්ද යන ප්‍රශ්නය ඔබ ඔස්ට්‍රේලියානුව

ෙක්ගෙන් ඇහුවොත් ගයි සෙබස්තියන් කියන නම ඔබට අනිවාර්යෙන්ම අසන්න ලැබේවි. ඕස්ට්‍රේලියානු Chart ඉතිහාසය පුරාවට හය වතාවක් අංක එකේ රැදී සිටි එකම ඕස්ට්‍රේලියානු පිරිමි ගායකයා වන මොහුට ශ්‍රී ලාංකික සම්භවයක් තිබෙනවා.
"Australia Got Talent" තරගාවලිය කියන්නේ ඕස්ට්‍රේලියාවේ පමණක් නොව මුළු ලෝකෙම ප්‍රසිද්දියට පත් වුනු රියැලිටි වැඩසටහනක්. 2007 ආරම්භ වූ මේ තරගාවලියේ 2011 වෙනකන්ම ජයග්‍රහණය කලේ ඕස්ට්‍රේලියානුවන් පමණයි. එහෙත් 2012දී තරගයට සහබාගි වූ සියලුම ඕස්ට්‍රේලියානුවන්ට, ඉන්දියානුවන්ට සහ අනෙක් සියල්ලන්ට අභියෝග කරමින් මෙම තරගාවලිය ජයගත්තේ ශ්‍රී ලංකාවේ අපේ කොල්ලෙක්. ශ්‍රී ලාංකීය දෙමාපියන් දෙදෙනෙක්ට දාව ඔස්ට්‍රේලියාවේදී ඉපදුන Andrew De Silva ඕස්ට්‍රේලියානු රියැලිටි ඉතිහාසය උඩුයටි කුරු කලේ ඕස්ට්‍රේලියාවේ පැවැත්වෙන තරග ජය ගත හැක්කේ ඔස්ට්‍රේලියානුවන්ටම පමණක් නොව යැයි ලොවටම පෙන්වමිනි.

මා මෙහි සදහන් කලේ ඕස්ට්‍රේලියාවේ නම ඇහුවත් සැමගේම ගෞරවයට ප්‍රාර්ථ වෙන ශ්‍රී ලාංකිකයන් කිහිප දෙනෙක් ගැන පමණි. මිට අමතරව ඕස්ට්‍රේලියාවේ ජනප්‍රියම සූපවේදියෙක් වන පීටර් කුරුවිටද ශ්‍රී ලංකික සම්භවයක් තිබෙන පුද්ගලයකි. මොවුන්ට අමතරව ඔස්ට්‍රේලියාව තුල බොහෝ උසස් ගෞරවයට ප්‍රාර්ථ වූ රැකියා බොහොමයක් කරමින් ශ්‍රී ලාංකිකයන් ජිවත් වෙති. එහෙත් මොන රැකියාව කලත් සිඩ්නි සහ මෙල්බර්න් ක්‍රීඩාංගන වල අපේ කොල්ලෝ සෙල්ලම් කරන වෙලාවට ඕනෙම රස්සාවක් නවතලා දමලා ඕස්ට්‍රේලියානු ක්‍රීඩා පිටි ශ්‍රී ලංකාවේ ක්‍රීඩා පිටි බවට පත්කිරීමට හැකියාව තිබෙන්නේ ඕස්ට්‍රේලියාවේ ජිවත් වෙන ශ්‍රී ලාන්කිකයන්ටය
එමෙන්ම මාර්තු 8 වෙනිදා ඔස්ට්‍රේලියාව සහ ශ්‍රී ලංකාව අතර ඕස්ට්‍රේලියාවේ තිබෙන ලෝක කුසලාන ක්‍රිකට් තරගයේදී ඕස්ට්‍රේලියානුවන්ට වඩා ශ්‍රී ලාංකිකයන් සිඩ්නි ක්‍රීඩාන්ගනයේදී දකින්නට ලැබේවි හැමෝටම

Read More

ෆින් සහ ඈන්ඩර්සන් ඉන්දියාව සුනුවිසුනු කරයි

ෆින් සහ ඈන්ඩර්සන් ඉන්දියාව සුනුවිසුනු කරයි

තුන්කොන් තරගාවලියේ ඉන්දියාව සහ එන්ගලන්තය අතර අද පෑවෙත්වෙන එක්දින තරගයේ මුලින් පන්දුවට පහරදෙන ඉන්දියානු කන්ඩායමේ ඉනිම ලකුනු 153 කට සිම කිරිම්ට එන්ගලන්ත පන්දු යවන්නො සමත් උනා. මෙහිදි විශිශ්ට පන්දු යෑවිමක නිරතවු ස්ටිවන් ෆින් ලකුනු 33කට කඩුලු 5ක් සහ ජේම්ස් ඈන්ඩර්සන් ලකුනු 18කට කඩුලු 4ක් දවා ගත්තා.

Read More

ඔබ නොදත් AB de Villiers ගේ කතාව

 

ලෝකේ එක් එක් අංශ වලට අති දක්ෂ මිනිසුන් ඕනෑ තරම් ඉන්නවා. ඒත් මොහු වගේ හැමදේටම දක්ෂ පුද්ගලයෙක් මම නම් මේ ලෝකේ දැකලා නෑ. මොහුගේ වාර්තා ටික ටිකක් බලන්න...

දකුණු අප්‍රිකානු පාසල් පිහිනුම් වාර්තා 6ක් අදටත් මොහු සතුයි.

Read More

2003 අතේ තිබී ගිලිහුන ජයග්‍රහණය

2003 අතේ තිබී ගිලිහුන ජයග්‍රහණය, 2007 දී වර්ෂාව සහ ගිල්ක්‍රිස්ට් නිසා ගිලිහුණු ජයග්‍රහණය, 2011 දී වර්ෂාව නිසා ගිලිහුණු ජයග්‍රහණය... 2015 දී වසර 19කට පසුව ලබා ගැනීමට හැකිවේවිද???

Read More

අර්ජුන කළු යුගලය ගෙන ආ විස්මිත ජයග්‍රහණය

මීට වසර 15කට පමණ පෙර ශ්‍රී ලංකා පිල පකිස්තානය බලා ගියේ ටෙස්ට් තරඟාවලියක් සඳහායි. රාවල්පින්ඩි ජාත්‍යන්තර ක්‍රිකට් ක්‍රීඩාංගනයෙදී මුලින්ම පන්දුවට පහරදුන් පකිස්තාන පිල ලබාගත්තේ ලකුණු 182ක් පමණයි. ඉන්සමාම් ලකුණු 44ක් සහ යුසුෆ් යොහානා (දැන්, මොහොමඩ් යුසුෆ්) ලකුණු 32ක් රැස්කරගත් අතර අන් කිසිදු පිතිකරුවෙකුට ලකුණු 30 සීමාව පසුකිරීමට ශ්‍රී ලංකා පන්දුයවන්නන් ඉඩ ලබා දුන්නේ නෑ. ප්‍රමෝද්‍ය සහ මුරලි අතරේ කඩුලු 4 බැගින් බෙදී යද්දී වාස් ඉතිරි කඩුලු 2 බිඳ දැමුවා.

පිළිතුරු ඉනිම ඇරඹු ශ්‍රී ලංකා පිල මුල් ඉනිමට ලකුණු 353ක් ලබාගත් අතර අරවින්ද ගේ විශිෂ්ට ශතකය එම ඉනිම ශක්තිමත් කිරීමට වැඩි දායකත්වයක් සැපයුවා. මහේල සහ අර්ජුන පිළිවලින් ලකුණු 42ක් සහ 49ක් ලබාගනිද්දී පසුපෙළ පිතිකරුවෙක් ලෙස වාස් අගනා අර්ධ ශතකයක් වාර්තා කලේ පන්දු 87 කිනි. ලකුණු 171ක් ඉදිරියෙන් සිටි ශ්‍රී ලංකා පිල අහිබවා යන්නට පකිස්තාන පිල දෙවන ඉනිමේදී සමත්වන විට තම මංගල ටෙස්ට් තරගයට ක්‍රීඩා කරමින් සිටි යුනිස් ඛාන් ඔහුගේ මුල්ම ශතකය වාර්තා කිරීමට සමත් වුනේ ද මෙම තරගයේදී යි.

දෙවන ඉනිමේදී ලකුණු 390ක් ලබාගන්නා පකිස්තාන පිල ශ්‍රී ලංකා පිලට ජයග්‍රහණය වෙනුවෙන් ලකුණු 220 ක පහසු ඉලක්කයක් ලබාදෙමින් තරගයට අවතීර්ණ වුනා. සිවුවන දිනය නිමාවත්ම ශ්‍රී ලංකා පිල කිසිදු කඩුල්ලක් නොදැවී ලකුණු 11ක් ලබාගෙන සිටි අතර පස්වන සහ අවසන් දිනයේදී ඔවුන් ඉදිරියේ තිබුනේ ජයග්‍රහණයට ලකුණු 209ක් පමණයි.

පකිස්තානුවන්ගේ වේගපන්දු බලඇණියේ ප්‍රබලත්වය පෙන්නුම් කරමින් ශ්‍රී ලංකා පිලේ 5 වන කඩුල්ල බිඳ වැටුනේ ලකුණු 141 දිය. ඒ වනවිට කඩුල්ලේ සිටි අර්ජුන සමග එක්වූ රොමේෂ් කලුවිතාරණ ඔහු සමඟ සාර්ථක 6වන කඩුල්ලේ සම්බන්ධතාවක් පිහිටුවීමට තීරණය කලත් වකාර් යුනුස් යැවූ මදක් ඉහලට නැඟී කෙටි පන්දුව ලෙග් දෙසට පහර දීමට උත්සහ කල අර්ජුන නොසිතු අන්දමින් ආබාධයකට ලක්වෙන්නේ ඔහුගේ වමතේ ඇඟිල්ලක් හානියට පත්වෙමින්. ඒ වනවිට ශ්‍රී ලංකා පිල ලකුණු 146/5 ක් ලබා සිටි අතර ඔහුගේ ඉවත්ව යාම දැඩිව බලපාන්නට පටන්ගත්තේ ඉන් ඕවර දෙකකට පසු (ඕවර 59 දී) චමින්ද වාස් දුවද්දී දැවී යාමෙන් සහ 69 වන ඕවරයේදී නුවන් සොයිසා ගේ කඩුල්ල දැවී යාමෙන් පසුවයි. සොයිසා ගේ කඩුල්ල දවාගත් අබ්දුල් රසාක් ඊළඟ පන්දුවේදී ප්‍රමෝද්‍ය වික්‍රමසිංහ ගේ කඩුල්ල ද දවගන්නා අතර එම දැවීයාමෙන් අනතුරුව ශ්‍රී ලංකා ලකුණු පුවරුව දැක්වුණේ ලකුණු 177/8ක් ලෙසින්.

තවත් ලකුණු 43ක් අවශ්‍යව තිබු මොහොතක ඊළඟට පැමිණීමට නියමිතව සිටියේ මුත්තයියා මුරලිදරන් වුවත් පකිස්තානුවන් ගේ එම බලාපොරොත්තුව කඩකරමින් ආබාධයට ලක්වූ අර්ජුන නැවතත් ඔහුගේ ඉනිම ක්‍රියාත්මක කිරීමට පිටියට පැමිණියේ ය. එතැන් සිට ඉවසිලිමත් ඉනිමක් ප්‍රදර්ශනය කල කළු ට අගනා සහයක් ලබාදුන් අර්ජුන එක් අතක් පමණක් භාවිතාකර පන්දුවට පහරදීම ඉතාමත් විස්මය දනවන දසුනක් වුනා.

Pakistan looked as if they could pull off a sensational win. But Ranatunga, batting with a broken thumb, joined Kaluwitharana in a fighting stand of 43 that saw their team to victory with 9.1 overs remaining. - විස්ඩන්

කළු 83 වන ඕවරයේ පස්වන පන්දුවේදී 4 පහරක් එල්ලකරමින් ජයග්‍රාහි ලකුණ රැස්කරන අතර එක්දින තරගයකට නොදෙවෙනි උණුසුම් ටෙස්ට් තරගයක් නිමාවුනේ ශ්‍රී ලංකා පිලට කඩුලු 2ක් ජයක් ලබාදෙමින්. අර්ජුන ගේ සටන්කාමි ඉනිම පිළිබඳව එවකට ශ්‍රී ලංකා ටෙස්ට් නායකයා ලෙස කටයුතු කල සනත් ජයසුරිය පැවසුවේ මෙවැන්නක්,

"As long as Ranatunga was there, we were convinced we could win,He played a gem of an innings, like an injured tiger."

Read More

Stay Hungry. Stay Foolish ( ස්ටීව් ජොබ්ස් )

 

ස්ටීව් ජොබ් ලෝකෙම අවධානය දිනාගත් ස්ටෑන්ඩ්ෆර්ඩ් දේශනය අවසන් කලේ ඉහත වචන වලින්. දැන් අපේ සමහර ක්‍රිකට් පිස්සෝ හිතයි ස්ටීව් ජොබ්ස් මේ කියලා තියෙන්නේ මෝඩයෙක් වගේ බඩගින්නේ ඉන්න කියලා. ඒත් ස්ටීව් ජොබ්ස් මේ වචන වලින් අදහස් කලේ නිතරම අනුවණයෙක් වගේ නිතරම දැනුම සොයා යන්න මහන්සි වෙන්න කියලා. ඒ කියන්නේ තමන් හැමදේම දන්නවා කියලා ඉන්නේ නැතුව තව තව දැනුම සොයා ගොස් තමන්ගේ හැකියාව දැනුම දක්ෂතාව වැඩි කරගන්න කියන එක තමයි කෙටියෙන් ඔහු කිව්වේ.

ජොබ්ස්ගේ මේ වචන ටික ඇහෙද්දී මගේ හිතට මුලින්ම මතක් වෙන්නේ අපේ සංගාව. ලෝකේ හොදම පිතිකරු, ලොව හොදම වමත් පිතිකරු, ශ්‍රී ලංකාව බිහි කර හොදම පිතිකරු වගේ ගෞරව නම්බු නාම කොතරම් සංගාට තියෙනවද... 2014 වසරේ තමන්ට මුණ ගැසුණු හැම පන්දු යවන්නෙක්ම දණ ගස්වපු සංගා අවුරුද්දේ අවසන් තරගයට ක්‍රීඩා කරන්න සැරසුනේ තවත් දැවැන්ත ඉනිමක් සංගාගේ පිත්තෙන් වාර්තා වේවි යැයි අපේ හදවත් වල බලාපොරොත්තු එකතු කරමින්. එහෙත් කිසිවෙක් නොසිතු ලෙස ඉනිම් දෙකේදීම සංගා අසාර්ථක වන්නේ සංගාට වෛර කරන ඉරිසියා කරන හැම කෙනෙක්ම නිතරම කියන "සංගක්කාරට ග්‍රීන් පිච් වල ගහන්න බෑ" කියන කතාව ඇත්තක්ද කියලා සමහර ක්‍රීඩා ලෝලීන්ගේ හදවත් වල ප්‍රශ්නාර්ථයක් ඉතුරු කරමින්. දෙවෙනි ඉනිමේ අසාර්ථක වී ක්‍රීඩාගාරය වෙත පැමිණි ඔහුට තෝරාගැනීම් දෙකක් තිබිණි. අනේ මට මේ පිච් වල ගහන්න බෑ කියලා දුකින් කල් ගත කිරීම හෝ තමන් කරපු වැරදි අඩුපාඩු සාදාගෙන තව තව පුහුණුවීම් වල නිරත වීම එම තේරීම් දෙකයි. සංගා දෙවෙනි තේරීම තෝරාගන්නේ ශ්‍රී ලාංකීය ලේ වල පසුපසට යාම ගෑවිලාවත් නෑ කියා ලොවටම ඔප්පු කරමින්. අනෙක් දැවී ගිය පිතිකරුවන් බලන් ඉදිද්දී සංගා තරගය අතර තුර පුහුණුවීම් කිරීමට යොදාගත්තේ දෙවෙනි ටෙස්ට් තරගයේ වෙනසක් ඇති කිරීමේ බලාපොරොත්තුවෙන්

.

දෙවෙනි ටෙස්ට් තරගයේ කරුණාරත්නගේ දැවී යාමෙන් පිටියට සංගා පැමිණෙන විට ඔහුට චෝදනා කරපු සැවොම බලා සිටියේ ඉක්මනින් සංගා ක්‍රීඩාගාරය වෙත යද්දී නැවතත් සතුටු වෙන්න. ඔහුට චෝදනා කරපු සැමට තමන්ගේ පිත්තෙන් පිළිතුරු දුන් සංගා ලෝකේ හොදම වේග පන්දුයවන්නෝ දෙන්නෙක් වන බෝල්ට් හා සවුතිට එරෙහිව එදා මෙදා තුර ක්‍රිකට් පිටියේ වාර්තා වූ විසිෂ්ටතම දිත්ව ශතකයක් වාර්තා කලේ ලක් මාතාවට මෙවැනි පුතෙකි ලැබීම කොතරම් වාසනාවක්ද යැයි සැමට ඔප්පු කරමින්. අද ඔහුට චෝදනා කර අයම ඔහුගේ ඉනිම අගය කරනවා... විදෙස් පුරවැසියන් ඔහුගේ ඉනිම ඔවුන් ජිවිතේ දැකපු හොදම ඉනිමක් කියා සතුටින් කියද්දී අපේ හදවත් ආඩම්බරෙන් පිරී යන්නේ වචනයෙන් විස්තර කරන්න බැරි සතුටක් සමගිනි. තමන් තරම් හොද පිතිකරුවෙක් නෑ කියා නොසිතමින්ද තමන්ට මෙය කරන්නට බෑ යැයි පසුතැවිලි නොවෙමින්ද තමන්ගේ අසාර්ථක වූ ඉනිම් දෙකෙන් සාර්ථක වීමට මග විවර කර ඔහු සැබවින්ම වීරයෙකි. ශ්‍රී ලංකා ක්‍රිකට් ක්‍රීඩාවට කොතරම් වීරයන් අනාගතයේදී පැමිණියත් කුමාර් සංගක්කාර කියන නම ඇසුණු පමණින් අපේ හදවත් වලට දැනෙන ආඩම්බරය සැමදා අපේ හදවත්වලම තැන්පත් වී තියේවි...

Read More